حقيقة القوائم

‎”I’m for truth, no matter who tells it. I’m for justice, no matter who it is for or against. I’m a human being, first and foremost, and as such I’m for whoever and whatever benefits humanity as a whole.” – Malcolm X

انت طالب مستجد، الدنيا مفتوحة لك، جديد على الكلية، خلنا لنفترض ان انت طالب في كلية الآداب في كيفان و في بداية الفصل الدراسي الأول فجأة تكتشف ان الدنيا كلها ربعك و و يساعدونك و حتى كتب اييبون لك، بعدها يبدون يعزمونك الديوانية بعد ٣ او ٤ زيارات يبدون يكلمونك عن قائمتهم و يعشمونك انهم أحسن ناس و ان باجي القوائم بس يبونك مصلحة و ان اهم صج ربعك، طبعا هالديباجة راح تسمعها ٣ مرات دامك في الآداب، و في الغلب راح تروح مع اللي ماسكين الجامعة، اكيد اهما ابطال الدوري ٣٢ لقب ورا بعض.
فجأه راح تشوفهم ماسكين الرابطة و الدنيا كلها “حمرة” طبعا ما يخلون ياكلون الاخضر و اليابس، يصبغون اللوكرات، برادات الماي و يحطون بالونات و.. و امم بس، بعد فترة ، و عادة بعد اسبوعين من الانتخابات تشوف كل اللي عشموك و وعدوك اختفواااااا، و تشوف عمرك مع اثنين او ثلاثة من الناس اللي من اول يوم كلموك و تبدي تتحسف، بعد فترة ايي اليوم اللي تبي تطلب قائمتك طلب، الرد المعتاد، “عزيزي الطالب، السلام عليكم و رحمة الله و بركاته، تحيه طيبة و بعد، طلبك المذكور ادناه……… يجب ان يقدم بصورة ورقية و سيتم مناقشته و الرد عليك/ي في غضون ثمانية سنوات، مع تحيات، اتحاد جامعة الكويت” سمعنا خهذه الديباجة عشرات المرات و لكن لا تنطرون يصير شئ.
هذه كله بصوب و الاتحاد بصوب، طبعا ٣٢ سنة ما تنمسك عبث، بتقول فلسنا من الرابطة عالاقل انا بصف اتحاد طلبة جامعة الكويت!! اوله!! بس تروح الاتحاد ولا مفلس اكثر، على بالك ان الاتحاد اذا قال فعل، بس الاتحاد على قولتهم “جهة ضاغطة” بس ما بيدهم الا انهم يتكلمون، لا تحط ببالك انهم قدموا شئ المجلس اهوا اللي يقر و يرفض اهم يقترحون، آخر شي عقب الطراقات اللي شفتها بتقول ياليتني دشيت مع اهل الموقف او مع اهل الفكر و قعدت مع ناس صج ربعي.
و هني راح توصل للمرحلة اللي انا واصلها و ان شاء الله تفتح مدونة و تتحلطم

و بالختام حاب اعتذر اني كتيت هذه المقال بالعامية و لكن حبيت اجرب شئ جديد
#اعلامي

#افهم

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s